Archives

UPDATES/Downloads

Tusi Faitau Aso (Kuata Tolu) Download Now

LAMEPA  Me & Iuni  Fia Faitau!

O LE UPU

UPU FOU A LE ALII: o le Tusi Paia mo se suiga-Fresh from the Word: the Bible for a change

 Aso Lulu Iulai 29, 2015: “Ua filifilia e le Alii.”
Tusi Faitau: Kenese 12:1-9
Matua - Kenese 12:1-2 Ua fetalai mai le Alii ia Aperamo, Ia tuua e oe o lou nuu, ma tagata o lou nuu, ma le aiga o lou tama, a e alu atu i se nuu ou te faasino atu ai ia te oe. Ou te faia oe ma nuu tele, ou te faamanuia foi ia te oe, ou te matua faamamaluina lou igoa; e manuia foi oe.

E faamanatu mai pea le eseesega o faatuatuaga e mulimuli ai lo’u aiga (Muslim & Hindu), a o feagai a’u ma la’u sailiga po o fea tonu e ao ina ou mulimuli ai, peitai, o le Atua ua na silafia le galuega e tatau ona ou auauna ai mo le tala’iga o lona finagalo. I le amataga lava, ina ua papatisoina a’u, sa tuuina mai le lisi o igoa ou te filifili ai (Mikaele, Ionatana, Emanueli, Samuelu), ua ou vaavaai i ai. Ona ou filifilia ai lea na o le lua igoa!

E fiafia lo’u aiga i le filifiliga e faapei o le valaauina o Aperamo. Ua latou mafaufau i le taua o le faatasi mai o le Alii, e ui lava o le valaauina e le o mautinoa po o fea e alu i ai. Peitai, ua poloa’i le Alii o le a avea ma nuu tele lenei aiga, o le mea pito i taua lea. O se tulaga e taua, e ui ina valaauina ma le le mautinoa le mea e aga’i i ai, a e ua faigofie mea uma ona o le faatasi mai o le Alii.

O lo’u iloa masani, o le valaauina mai le Atua (i so’o se ituaiga tiute), o le avanoa ina ia e aga’i atu pea i luma e ui ina i ai le fefe: E fefe aua e le o mautinoa, fefe ona o e faalavelave mai o tagata e te le iloa, e fefe aua e le o maua le malosi atoatoa e fetaia’i ai ma le pogisa o le lalolagi. Na a’oa’oina a’u i totonu o le aiga, e faapea: o le tu’ua o le aiga ma alu ‘ese atu, e i ai faatasi ma le faamoemoe i le alofa.

E ui ina eseese faatuatuaga faale-lotu e tautua ai, a e o lo’o faaalia pea le ola talitonu ma le iloa ona faatuatua i le Atua. Ou te fesili ai e faapea: Po ua e talitonu ‘ea i le Atua, o ia ua silafia o tatou tagata-lilo ta’ito’atasi? O ia ua silafia mea uma, ma filifilia i tatou o ana ‘avefe’au.

Tatalo: O le Atua ua na silafia mea uma, se’i taitai i tatou e tusa ma lona finagalo. Foai mai le loto tele, e aunoa ma le fefe, e tautuaina ai lona finagalo. Amene.

Mafaufauga Loloto: ...Ia outou tutu i ala, ma vaavaai, ma fesili i ala o le vavau, po o i fea le ala lelei, ma ia outou savavali ai,... (Ieremia 6:16b). Po o faapefea mai lou valaauina mai le Atua?

 WORSHIP SERVICE AND PRAYER BOOKS FOR 2015 - O TUSI MO LE 2015
 

TUSI FAITAU ASO 2015

Daily Bible Readings

Download Now

 

TUSI 'AU LEOLEO 2015

Prayer Watcher's Fellowship

Download Now

 

TUSI 'AU TAUMAFAI 2015

Christian Endeavors' Fellowship

Download Now

 

KALENA 2015

CCCAS Calendar 2015

Download Now

      Tusi Aoga mo Aoga Aso Sa >> go to Publications

 

CCCAS YOUTH VIDEOS

Download NOW! CCCAS Pulega Fagaloa YOUTH Music Video!

Easter Photos (Faleono--CCCAS Mission Churches, USA)

CCCAS CALENDAR

PHOTO HIGHLIGHTS

Bible Verse of the Day


Contact Us

Ekalesia Faapotopotoga Kerisiano i Amerika Samoa             Congregational Christian Church of American Samoa

P.O. BOX 1537
1 Kanana Fou Street
Pago Pago, AS 96799
Office: (684)699-9810
Fax: (684)699-1898